دارفور العزيزة

انت يادارفور عزيزة وجوة فـى وجـدانا حبـك
كنتى بالقران منارة وديمة بالخير ترضى ربــك
وكنتى فى المهدية شعلة وديمة للحق كان مهبــك
فيك دينار كان مجندل وكيف هو للطامعين بيربـك
وكنتى عاصية لكل فاسد وهسى كيف عرفوهو دربك
$$$$
وينو عبد الله امامنا الديمة للحق كان مناصـــر
وكنتى لمهدينا جزوة وبيك كان مشدود اواصــر
ومنك الدين شع نورو والبقول يطفيهو خاســـر
وعرفت الاجيال حكايتك لما كان الشر معاصــر
جوك ماقاصدين صلاحك هى واضحة لكل باصر
$$$$
انتى حزنك فينا خـيم وعمـت الاحـزان ديارنا
انتى تاريخ انتى حاضر انتى نورنا وانتى نــارنا
هم عارفين انتى فينا ألا قاصــدين لى دمـارنا
والوطـن مستنى عيدك ويـاكى نصرتنا وعمارنا
وحقو تمشى الحكم بينا والتسامـح يكون خيـارنا
$$$$
هم جوك شايلين ســموم والله ما شايلين اعـانه
وهــم ماناسين كفاحك لم غردون كان معــانا
حقو نسال روحنا مره هـل فى اســرائيل امـانة
هم قاصدين يطفوا نورك وكل مســجد يبق حانة
وقصدو ارضك وقصدوا ناسك وبرضو نقبل بالخيانه