هيا نزرع وهيا نبنى *** بسواعدنا الفتية
ياتو أحسن لينا منجل *** ولا أحسن بندقية
ياوطن بالعزة شامخ *** ويانفوس طاهره وابية
ماخلاص النهضة أضحت *** فى نفوسنا الآولوية
شوفو كيف المولى أكرم *** وجانا بأنبل هدية
يالبشير الجيتنا بشري *** ببلغوك اهلك اتحية
وبقولو ليك أنت فى قلوبنا *** وفى دعانا صباح عشية
وبرضو سايرين فيه ركب *** والعهود باقيين عليها
أنت والزمرة الكريمة الجاية *** من انساب وفية
هى دى الصنعت سلامنا *** بكل حكمة وعقبرية
وهم ياما علينا سهرو *** وقدمو أرواحهم فدية
ولسه صابرين فى كفاحهم *** رغم اصناف الازية
بالعلم بنكون حضارة *** عريقة للطامعين عصية
وبالعمل نحميك بلدنا من *** شرور أضحت قوية
رامية علينا على ترابك *** وحالفة تمسح للهوية
إتوحدت فيها الإرادة ***والوحدة نحنا الأولى بيها
ما نحن ناس اصحاب رسالة *** ولينا فى الاعناق وصية
شوفو كيف الشر تجمع *** وللوطن ناوى لية نية
هم هناك حسوك عظمة *** وجودك نصارى وصهيونية
اعدنا يعلمو مابنومو *** أحفظنا بس رب البرية
الجبنا قاصدين لى أرضنا *** والارض أعرضنا فيها
ياشبابنا يا أملنا *** ابقو قدر المسؤولية
كونو نجدة لكل تاية *** وكل صابر فى الذية
وفى الختام للخير تهادو *** ياولد قول للبنية
وتحيا يا وطنى البعزك *** رغم كـيد البربرية
وإن شاء الله دائمافى علاك *** ومـداك اعـلى من الثريا
للشاعر : باسل الجوهرى
الإثنين يونيو 22, 2009 1:11 pm
