لنواصل مانقطع من ملحمة امدرمان
حى عبدالله خليل عزف اجمل الالحان ***بانت متانة ياما انجزة عمران
الشنقيطى نسمه ولينا تبقا امان ***حى الامراء ابدعه بكافة الفرقان
العرضه تسلم كم دمرت جرزان *** العباسية تحفة وحضارة فى البنيان
الفيتحاب مناره يافاقد الاصل والشان***ربى ارحم شهدا ابوسغد بجنة الرضوان
وادى سيدنا يا ماانجبت نسوان *** ابو عنجه سجل ليك تاريخنا واكملت اركان
ياخليل مرضك كتر وسحبت جيش هزيان***ابروف كم وزعت كمية من رمان
جسر الانغاز صلابه وشاهد لى جور الزمان***ود البشير يازاهية وجمالك بان
دار السلام تقوى وصلاه وايمان***القماير صاحية واقفة كم اكرمت ضيفان
ياجيش اهلك العاوز ادمر ود نوباوى *** ويخمد قلعة القران
السلاح الطبى استقبل جرحى وخفف الاحزان***ابوكوع صدت فلول ودفنت قربان
كررى بتنفجر وتقتحم بركان *** حى البسطة كم سقت عطشان
المرخيات بساله جيشا تب مالان *** مستشفى الشرطة تسلم وتحمل المرضان
مستشفى الخرطوم اصاله وعفه الابدان ***تسلمى لينا يا امدرمان وتسرى عروقه فى الوجدان
مابتقدر رجال البقعه الحررت شيكان***قواتنا مابترحم عميل وجبان
الحتانه قلعه وحافظه للعرفان ***السوق الشعبى كم لمت الجيران
الأحد أبريل 19, 2009 9:57 am
