معقولة ؟؟؟؟ ولا تهنئة ....
و وردي غني :
عرس السودان
والعطبرواي غني :
ايها الناس .. نحن من نفر عمرورا الارض ... حيث ما قطنوا
يذكر المجد كلما ذكروا وهو يعتز .. حين يقترن .
ما حدث للوطنية ؟؟ هل الموقف من الوضع السياسي الحالي يعني بالضرورة اخذ موقف من السودان ككل واخذ موقف من تاريخ السودان ؟
وهل ذكري استقلال السودان اصبحت حدثا عابرا لا يستحق التفاته ؟؟ ولا حبة تهنئة ؟؟؟
ما الذي حدث للسودان .... ولكم ...
ابكي علي وطن مجروح ... وعارف الجاحو ليه جارح
واسال عن وطن ممدوح ... وعارف المادحو ما مادح .
وكل عام والسودان واهل السودان بخير ...
فتَحتَ جوابك الأوّل لقيتَك لسَّه يا وطني بتكتب بالعَمار والدم
ولسَّه بتسْكَر أمدرمان على الشارع... وتتْكوّم
وتمْرُق من صَدُر مسلْول --------
تَدُوسن العربات ترضِّع فى الكلاب
مشنوقَهْ من عينيهَا في الساحات
وتضْحَك في زمن مسموم
ولسَّه بترقُد الخرطوم تبيع أ----------ا للماشين
تَطِل من فوق عماراتهْا وتَلِز اطفالهْا في النيلين
وترجع للرُقاد تاني
اشوفك في جواب تاني
مشيتْ اتمشَّى فوق همكََ
وصلْني جوابك التاني يحيض الغيم على سطوركَ
يقطِّر من سماكْ دمّك بشوف في جوابك التانى
مُدُن مبنيّةْ متكيّهْ بتمْرُق من شبابيكا
عيون برموشَهْ مطفيَّهْ
شَرَك لي كُلِّ قُمريَّهْ وأماني كتيرَهْ مخصيَّهْ
شوارع بالنهار والليل مدبّسَهْ بالحراميَّهْ
معلّقَهْ في صدور الناس كلاب اسنانْها مبريّهْ
على مرِّ السنين تحْسب شهور أيامها عِبريّهْ
مشيتْ اتمشَّى فوق همّك وصلْني جوابك الدمّك
رقدتَ على البحر غنيتْ
مليت احزاني بالأمواج جرحْتَ الدنيا بالدوبيت
جريت لي ساحَة ----------ء لقيتُم لا وطن لا بيت
دخلتَ منازِل الأُمّات وطلّيتْ لي شقاء الاخوات
مرقتَ كأني زولاً مات لقيتْ أطفالي في الشارع
بيجروا على أمل واقِع
رقدْتَ على البحر غنّيت
واتذكرت َاهَلَن لي ساكنين في ---------------
مليتْ أفراحي بالأمواج وشدّيت الرحال قُمْتَ لحدِّ الليلَهْ ما عُدْتَ
شبابيك فتَّحَتْ أبواب وأبواب فتَّحَت حارات
وكنتَ معاكَ يا وطني على حُمّى الجواب الفات
صحيتْ ولقيتَك الشارع وكِتْ تِتْمايل النخلات
ضُلّك على أيامك الجايات
وفي جوابك الرابع
لقيت الناس على الشارع وصوتَك من كهفوف طالِع
كَوارِيك للسماء السابع كواريك للسماء السابع كواريك للسماء السابع-
الثلاثاء يناير 05, 2010 12:41 am
